Лағыр ауылының үҙәгендә урынлашҡан, заманса йәшкелт-һары сайдинг менән эшләнгән йортҡа һәр кем ярҙам ҡулы һорап килә. Эстәре төшкән, билдән яҙып интеккән, остеохондроз сире борсоған, аяҡ-ҡул быуындары сыҡҡан, мейеһе һелкенгән, дауахана юлдарын тапап, дауа таба алмағандар – барыһы ла был өйҙөң хужабикәһенә мөрәжәғәт итә. Изге күңелле, алсаҡ йөҙлө, йомшаҡ, шифалы ҡуллы Зөләйха Мораҙымованы әүлиә, халыҡ табибәһе тип тә йөрөтәләр.
Изгелек нуры таратҡан, ғүмерен кешеләрҙе дауалауға арнаған Зөләйха Йыһанша ҡыҙының тормошо, бигерәк тә балалыҡ йылдары ауыр була. Уның атаһы репрессияға эләгә, әсәһе Зөлхиә алты бала менән бер үҙе, ә Зөләйха әсәһенең йөрәк аҫтында булғанда уҡ атайһыҙ тороп ҡала. Бөйөк Ватан һуғышы, аслыҡ йылдары береһен дә йәлләмәгән кеүек, Таяровтарҙы ла ҡыҙғанмай. Ауыр йылдарҙы Зөләйха Йыһанша ҡыҙы һәм уның ағаһы ғына еңеп сыға ала. Ә дүрт бала, ҡышлаған башаҡ ашап, яҡты донъя менән хушлаша.
Һуғыш тамамланғас та тормош еңеләймәй. Шулай ҙа Зөләйха апай белем алыу теләге менән яна, һәм алты саҡрым йыраҡлыҡта урынлашҡан Мөрсәлим ауылына йәйәү йөрөп уҡый башлай. Тик бер ни тиклем ваҡыттан, ас-яланғас, һыуыҡта йөрөгән балаһын әсәһе йәлләп, ҡыҙын кире күндерә. Бик йәш көйөнсә эшкә тотона ул. Мал ҡараусы, һыйыр һауыусы ла була. Үҙе кеүек тырыш, эшһөйәр егет Ҡылысбай Миндияр улы менән тормошон бәйләп, алты балаға ғүмер биреп, оҙаҡ йылдар татыу йәшәйҙәр улар. Тик бынан 9 йыл элек тормош иптәше, барыһын да ауыр ҡайғыға һалып, вафат була.
Ауырлыҡтар утында сыныҡҡан, тормош елдәре алдында һынып ҡалмаған Зөләйха Йыһанша ҡыҙы кешеләрҙе дауалап ҡына ҡалмай, уларҙы түҙемле, көслө булырға ла өйрәтә.
Еңеүселәребеҙ менән таныштырыуыбыҙҙы дауам итәбеҙ. Был юлы уңыш Малаяҙ ауылынан Әхмәт Йәнтүринға, Юлайҙан Абдулхай Йоносовҡа һәм Әлкә ауылынан Фәрит Ғиниәтуллинға йылмайҙы.
Беҙҙең спортсылар 21 команда араһында иң көслөләре булып,
Күптән түгел бокс һөйөүселәр Силәбе өлкәһенең Ҡатау-Тамаҡ ҡалаһында йыйылды. Бында ҡала техникумының спорт залында бокс буйынса турнир үтте.
Күптән түгел Миндеш ауылында йәшәүсе Хөснуллиндар ғаиләһендә шатлыҡлы ваҡиға булған. Улар күптәнән хыялланған өр-яңы “Датсун” автомобиле һатып алды. Шулай уҡ Яңы йыл да был ғаиләгә бик отошло, шатлыҡлы башланды, улар “Йүрүҙән” гәзите редакцияһы ойошторған “Бәхетле авто” конкурсында ҡатнашып, автомобилсе йыйылмаһын отто.
Салауат төбәге таланттарға бай. Татар яҙыусыһы, шағир Нәҡи Сиражетдин улы Иҫәнбәттең (Закиров) әҙәбиәт, тел ғилеме, сәнғәткә индергән өлөшө баһалап бөткөһөҙ. Билдәле шәхескә арналған ижади хәтер кисәһендә район башлығы Ғәли Хәйретдинов, элекке беренсе секретарь Радил Мөхәмәтдинов, райондың татар мәктәптәре уҡытыусылары, уҡыусылар һ.б. ҡатнашты.
